بسم الله الرحمن الرحيم
(( وحشتَك وبتحبني ))
وحشتَك وبتحبني
كان فين احساسك ده
لما من ايديك ضيعتني
كان فين حبك الكبير
لما جرحتني وكسرتني
كان فين شوقك
لما بغيري بدلتني
جاي تقولي وحشتيني
وياريت اكمل معاكي سنيني
مليش غيرك ارجعي وطمنيني
نفسي اقربلك واضمك
نفسي ارتاح جوه حضنك
بايديكي امسحي دموعي
انا ليكي وبيكي هعيش
مع غيرك الحياة مترضنيش
سامحيني على الماضي
كان غلطة مني
وبحكمك انا راضي
تعالي نبتدي من جديد
ونحلم سوا بعمر جميل
وندفن ورانا كل الجراح
اسكت خلاص
انت فاكرني ايه
وراجع بصفتك ايه
ليه واهم نفسك ليه
الماضي انساه وعدي عليه
انا دفنت جراحي قبلك
ودفنت معاها حبك
مين قال اني هفضل مستنياك
مين قال اني هكون باقية على هواك
مين قال اني لسه بفكر اعيش معاك
مين قال اني لسه زي ما انا
انا واحدة غير الي عرفتها
واحدة غير الي سبتها
انسانة جديدة غير الي جرحتها
جرحك علم جوايا
وكتب في لحظتها النهاية
نهاية حب كان جميل
نهاية حب كان كبير
ملكش في حياتي مكان
ملكش في دنيايا عنوان
ضاع الحب وانت الي ضيعته
مات الحب وانت الي قتلته
اندفن لحظة ما بدلته وبعته
انا عارفة انك ندمان
لكن للاسف بعد فوات الاوان
انت بعت بالساهل
ومهما جرالك تستاهل
الي بسهولة يبيع
هيجيله يوم ويضيع
مبروك عليك الضياع
ماهو قلبك هو الي باع
اعزرنى حبيبى
انا ضعت من غيرك
وهضيع من بعدك
تقبلونى
موضوع: .•:*¨`*•..... وحشتــك وبتحبنــي ...•:*¨`*•. 
الأربعاء يوليو 20, 2011 6:03 pm